Ceidwadwyr Cymreig yn Senydd Ewrop
Dr Kay Swinburne ASE

Gobaith Newydd i Gleifion sy’n Aros am Drawsblaniad Organ

Mawrth 30eg, 2010

Fe roddwyd gobaith newydd i gleifion sy’n aros ar gyfer trawsblaniad organ ar ôl i’r ASE Ceidwadol, Dr Kay Swinburne gyda’i chydweithiwr, Marina Yannakoudakis, ymladd yn llwyddiannus i atal ymdrechion i dorri’n ôl ar gyfraniadau byw rhag digwydd.

Yn ôl Marina, roedd y bleidlais gan bwyllgor iechyd ac amgylchedd Senedd Ewrop yn gymorth mawr i gyfraniadau byw, sydd yn aml iawn yr unig opsiwn posib i gleifion sydd angen trawsblaniad i arbed eu bywydau.

Diben argymhelliad cyntaf y Comisiwn Ewropeaidd oedd cyfyngu cyfraniadau byw i’r perthnasau agosaf, er enghraifft rhwng parau priod neu riant i blentyn.

Fodd bynnag, fe alwodd Kay am welliant i’r cynnig fel bod modd caniatáu trawsblaniadau byw cyhyd â bod modd profi “nad yw’r rhoddwr yn gweithredu er mwyn budd ariannol.”

Fe ddywedodd Kay na ddylai trawsblaniadau organ o un ffrind i’r llall, neu drawsblaniadau rhwng perthnasau pell gael eu gwahardd gan yr UE.

Fe ychwanegodd y byddai ei gwelliant yn cefnogi datblygiad yr hyn a elwir yn rhannu organau (crossover donations), gweithdrefn lle mae nifer o roddwyr yn cytuno i gronni’u horganau fel bod rhywun annwyl iddynt yn gallu derbyn aren addas o estronwr.

Fe wnaethpwyd y llawdriniaeth drawsblaniad rhannu organau tair ffordd gyntaf yn y DU ar ddiwedd 2009.

Fe gymerodd Kay ran yn Nhaith dros Fywyd Sefydliad Aren Cymru yng Nghaerdydd ar ddydd Sul i danlinellu pwysigrwydd gwaith yr elusen.

Fe ddywedodd hi:

“Mae cannoedd o bobl yng Nghymru yn aros am organ i arbed eu bywydau.  Mae rhywun yn marw bob 11 dydd yn aros ar gyfer trawsblaniad yng Nghymru.

“Roeddwn yn pryderu y byddai argymhelliad y Comisiwn Ewropeaidd ynglyn â chyfraniadau byw yn rhy gyfyngiadol o lawer.  Fe fyddai wedi gwneud bywyd yn anoddach fyth i gleifion a’u teuluoedd.

“Yn ffodus, fe gytunwyd ar gyfaddawd yn y pwyllgor sy’n caniatáu cyfraniadau byw cyhyd â bod ddim ysgogiad ariannol i’r cyfrannwr.

“Mae’n amlwg nad ydy’r UE eisiau gweld y corf dynol yn cael ei drin yn fasnachol.  Mae’r UE eisiau torri i lawr ar yr arfer o werthu organau.

“Fodd bynnag, mae’n rhaid mai arbed bywydau a lleihau dioddefaint cleifion ydyw’n blaenoriaeth gyntaf.

“Rydw i’n hynod falch ein bod ni wedi gallu ychwanegu amddiffyniadau i’r argymhelliad ynglyn â chyfraniadau byw.  Fe fydd rhannu organau yn rhoi rhagor o bosibiliadau i gleifion.”
 

Ymuno â’n Rhestr Bostio Cadw mewn Cysylltiad
Ceidwadwyr Cymreig
04/12/2013

Mae’r Comisiwn Ewropeaidd heddiw wedi rhoi statws Dynodiad Daearyddol Gwarchodedig Ewropeaidd (PGI) i’r Pembrokeshire Early Potato adnabyddus o Orllewin Cymru.

Roedd y Pembrokeshire Early Potato yn un o dri chynnyrch fferm o ansawdd yn unig i dderbyn statws PGI heddiw.

Mae cynlluniau PGI yr UE yn diogelu enwau cynnyrch rhag cael eu camddefnyddio ac mae dros 1,200 o gynhyrchion eisoes yn cael eu diogelu o dan y cynlluniau hyn .

Wrth drafod y cyhoeddiad hwn gan y Comisiwn Ewropeaidd heddiw, fe ddywedodd Dr Kay Swinburne ASE - sy'n hanu o Orllewin Cymru:

"Rwyf wrth fy modd o weld bod y cais hwn i gael “Pembrokeshire Earlies” wedi’i ychwanegu at y gofrestr o gynnyrch PGI wedi cael ei gymeradwyo gan y Comisiwn Ewropeaidd heddiw.

"Mae ennill y statws mawreddog hwn yn gydnabyddiaeth glir o ansawdd uchel y cynnyrch nodedig rydym yn parhau i’w gynhyrchu yng Nghymru. Mae Pembrokeshire Early Potatoes yn llawn haeddu eu lle ochr yn ochr â'r cynnyrch adnabyddus o bob rhan o'r Undeb Ewropeaidd sydd eisoes yn ymddangos ar gofrestr y PGI."

26/11/2013


Roedd Kay yn hapus iawn i gynnal y digwyddiad hwn i ddathlu Addysg Uwch, Gwyddoniaeth ac Arloesedd yng Nghymru neithiwr yn Senedd Ewrop.  Mae'r digwyddiad yn adeiladu ar "Ddadansoddiad Strategol y Sector Addysg Uwch yng Nghymru, Asedau Nodedig" y Cyngor Prydeinig. Fe siaradodd nifer o arbenigwyr i rannu eu barn ar AU Cymru yn ystod y digwyddiad ac ar sut y gallai ddatblygu yn y dyfodol.

20/11/2013


Cyn y bleidlais ar ‘Adroddiad Fox-Hafner’ ar leoli Senedd Ewrop mewn un lleoliad yn unig, mae Kay a’r ASEau Ceidwadol eraill o’r DU, yn teimlo ei bod hi’n iawn i dynnu sylw at y ffaith fod gweithredu Senedd Ewrop mewn dau le yn costio £928,000,000. Ers cael ei hethol i Senedd Ewrop yn 2009, mae Kay wedi cefnogi dod â chyfarfodydd Senedd Ewrop yn Strasbwrg i ben, rhywbeth fyddai’n arbed arian sylweddol i’r trethdalwyr.  

20/11/2013


Roedd Kay wrth ei bodd i gwrdd â Malala Yousafzai, a ddyfarnwyd Gwobr Hawliau Dynol Sakharov yr UE yn Senedd Ewrop heddiw.
 

Yn dilyn araith Malala yn Senedd Ewrop heddiw, fe ddywedodd Kay, “Rhoddodd Malala araith ysbrydoledig i Aelodau Senedd Ewrop heddiw. Rydw i’n fam i blant ifanc, a gobeithio y byddan nhw hefyd yn anelu at gyrraedd ei chyrhaeddiadau hi. Mae Malala yn fenyw ifanc eithriadol sy wedi gorchfygu adfyd oherwydd ei chymeriad cryf a’i chred gwaelodol mewn hawliau’r unigolyn i fwynhau ac I elwa ar addysg.”

12/11/2013

Roedd Kay yn hapus iawn i gwrdd ag aelodau o Grwp Ymchwil Uwch-weithgynhyrchu yn Senedd Ewrop, Brwsel, sef un o'r pedwar grwp a sefydlwyd mewn meysydd ymchwil allweddol i Gymru, i fanteisio ar gronfeydd ymchwil yr UE. Aeth cynrychiolwyr o Brifysgol Caerdydd, Bangor, Abertawe a'r Drindod Dewi Sant i Frwsel i ddatblygu'r perthynas. 
23/10/2013
Mae Dr Swinburne wedi rhoi ei chefnogaeth i’r argymhellion a wnaed mewn adroddiad diweddar a gyhoeddwyd gan nifer o arweinwyr busnes, cyn cyfarfod arweinwyr Cyngor Ewrop yfory, sy’n tanlinellu pwysigrwydd gwaredu rhwystrau i gystadleurwydd busnes yn Ewrop a chael gwared ar ddeddfwriaeth feichus gan dorri tâp coch yr UE.


Y llynedd, fe ofynnodd Dr Swinburne i fusnesau Cymru ddweud wrth Gomisiwn Ewrop pa reoleiddiadau gor-feichus yr hoffen nhw eu gwaredu, gan ysgrifennu at fusnesau bychain ledled Cymru a thrwy ofyn i fusnesau Cymru ledled Cymru i ddweud wrthi hi am eu problemau tâp coch.
08/10/2013
Dydy sigaréts electronig
ddim bellach yn wynebu cael eu gwaredu o’r silffoedd gan yr UE ar ôl i’r ASEau Ceidwadol ddiwygio deddfwriaeth yr UE ar labelu tybaco yn llwyddiannus heddiw.


Fe arweiniodd yr ASEau Ceidwadol y gwelliant i drechu cynigion a fyddai wedi dosbarthu e-sigaréts yn gynhyrchion meddyginiaethol, sy'n golygu y byddai'n rhaid iddynt gael gweithdrefn awdurdodi rhy feichus a chostus, a fyddai'n mynd y tu hwnt i'r gweithdrefnau ar gyfer cynhyrchion tybaco traddodiadol... (Darllenwch ragor dan 'Erthyglau')



18/09/2013
Mae’r ASE Ceidwadol Cymreig Kay Swinburne wedi bod yn eistedd i lawr gydag arweinwyr ym maes biotechnoleg Ewrop i ddewis y pum ymgeisydd gorau i gystadlu ar gyfer yr EuropaBio Most Innovative EU Biotech SME Award eleni.

Fel aelod o’r pwyllgor barnu, mae Kay unwaith eto yn cefnogi’r wobr EuropaBio, sydd wedi denu ymgeiswyr o’r tri sector biotechnoleg – gofal iechyd, diwydiannol ac amaethyddol, ledled yr UE... (Darllenwch ragor o dan 'Erthyglau')
11/09/2013


Fe groesawyd pleidlais heddiw yn Senedd Ewrop gan yr ASE Ceidwadol Cymreig Dr Kay Swinburne fel galwad i ddeffro yn y frwydr i arbed ieithoedd Ewrop sydd mewn perygl.

Fe gefnogodd yr ASEau adroddiad yn Strasbwrg sy’n alw ar i lywodraethau ledled yr UE i ddatblygu cynlluniau gweithredu i annog amrywiaeth ieithyddol barhaus.

Mae’r adroddiad, a ysgrifennwyd gan yr ASE Corsaidd, François Alfonsi, hefyd yn dweud y dylai llywodraethau fod yn “fwy sylwgar” i fygythiadau a allai arwain at ddifodiant ieithoedd.

Mae Dr Swinburne, a oedd yn gysgod adroddwr yr adroddiad, wedi dadlau y gellid ystyried y Gymraeg yn enghraifft cadarnhaol o adfywiad iaith y dylai cymunedau ledled yr UE ei ddilyn... (Darllenwch ragor o dan 'Erthyglau')

Cysylltu â ni
Dr Kay Swinburne ASE
Tŷ Rhymni
Copse Walk
Parc Busnes Porth Caerdydd
Caerdydd
CF23 8RB

Ffôn: 029 20628 685
kayswinburnemep@welshconservatives.com

Plaid Wleidyddol Genedlaethol: Y Blaid Geidwadol
Grŵp Ewropeaidd: Grŵp Ceidwadwyr a Diwygwyr Ewrop (CDE)

European Conservative and Conformist Group
© Hawlfraint Kay Swinburne 2013 – Cedwir pob hawl